ඔහු

අපි නිදන වෙලවෙ නිදි නැහැ
අපි අවදියෙන් සිටිද්දි
එත් නිදි නැහැ
මොනව කරනවද ?
රකිනවා රකිනවා.
කාවද?
අපි.
අපි නිදනකන්,ඇහැරිල ඉන්නකන්.

කැරපොත්තෙක් දැක්කොත් මර ලතෝනිය
ඊ ........................යා
විකාර
එත් දෙයියනේ
ඉස්සරහ ඉන්නෙ කැරපොත්තෙක් වගෙ අහිංසක සතෙක්ද?
නෑ නෑ නෑ
මරණය මරණය,
කෑ ගහන්නද? පුටු උඩ නගින්නද?
බෑ බෑ
ශක්තිය හිතට ගතට දෙකටම අරගෙන
නැගෙනව ඇරෙන්නට
එරෙහි වෙන්නන් දුරටම පන්නා දමන්නට.

තුන් වේලෙන් එකක් හරි මග හැරුනොත්
ලඟ ඉන්න එකා අල්ලගෙන කන්න හදනවා
එත් බලනකොට
දවස් ගානකින් කාල නෑ තුන් වේලෙන් එක වේලක්වත්
ලඟම ඉන්න කෙනා අල්ලගෙන කන්නද?
බෑ කොහෙත්ම බෑ
ඔහුත් එහෙමමයි
කෑමක් දැකලවත් නෑ ටික දවසකින්ම

වතුර උණු කර නිවා පෙරා පානය කරන්න
කෑමට පෙර සබන් දා හොඳින් අත් සොදන්න
අර සබන් ගාන්න මේ සබන් ගාන්න
TV  එකෙත් කියන්නෙ
හොඳ පුරුදු
කොහොම මේව කරන්නද 
බොන්නවත් වතුර පොදක් නැතිව
එහෙම හිතෙනව ඇති ඔහුට

දවසකුත් වෙන් කරල තිබුනෙ
මහ ඉහලින් සමරන්න
ආදරෙත් විකිණිලා තරඟෙට
අබුද්දස්ස කාලෙනෙ,
පෙම්වතියක් හිටියද? දාලත් ගිහින් ඇති
මාස ගානකින් SMS එකක්වත් යැවුවයැ
දෑස කොහොම අරමුණින් ගන්නද?
Phone එක ගන්නවත්............
වවුලො වගෙ කොහොම එල්ලිල ඉන්නද දවස පුරාම
Plan එක කොයි තරම් Simple උනත්
අරුන් කරට නැගල බල්ටි ගහයි

"අ" යනු "ම්" යනු "මා" යනුත් අමතකයි
ලියුමක් වත් යැවුවෙ නෑ කාලෙකින් ගෙදරට
එත් හිත ශක්තිමත්............
ලොකු අරමුණක් නිසා

පුතා මොනවද දැන් කරන්නෙ?
"MSc" "PhD" "CIMA" ?
දෙයියනේ 
මේ මොකුත් මට නැහැනෙ
හිතුණද නුඹ මහ මොඩයෙක් කියල?
නුඹ නැති කල උපාධි තොප්පිය සොහොන් කොතේ තියන්නද?
හැමෝටම පේන්න,
ණුවනක්කරයො ඔක්කොම නුඹෙන් රැකෙන්නෙ
දුක් නොවී ඉන්න

කෝ ඩෙනිම්,T-ශර්ට්?
කැමති නැතුවද අඳින්න ඒව?
නෑ කැමතියි

ඒව කොහෙ අඳින්නද,ඇඳගෙන ඉන්න එක ඇඟේ හමට බද්ද වෙලා
වෙලවක් නෑ ඒක හෝද ගන්නවත්
වැස්සට හේදිල අව්වට වේලුනොත් ඇරෙන්න ඇඟෙදිම.

තරුණ කලේ ,ගින්දර වගේලු
හැගීම් ,ආසාවන්,දඟකාරකම් අහස උසට
කෝ ඒ දඟ වැඩ නුඹ ලඟ
හිර වෙලාද සිතිවිලි?
හිර කරලද?
හිත මිදිලද?
නෑ එහෙම නෑ
කැපකරල,
කා වෙනුවෙන්ද?
අපි වෙනුවෙන් අපේ හෙට වෙනුවෙන්


මම කොහොමද උදවු කරන්නෙ?

තිස් තුන් කෝටියක් දෙවි දේවතාවො
තුණ් රුවන් බලෙත් අරගෙන
නුඹව රකින්න කියනව ඇරෙන්නට හැමදාම
නොවන්නට අතුරු අන්තරාවක් නුඹට